當 1,500 萬 像 素 DSLR 都 可 以 影 相 兼 拍 埋 全 高 清 片 時 ， 可 能 唔 少 用 家 都 會 問 ， 差 唔 多 價 錢 點 解 仲 要 買 DV 拍 片 ？
而 有 出 DC 同 DV 嘅 Panasonic 就 深 諳 唔 可 以 自 己 打 自 己 嘅 道 理 ， 所 以 新 出 嘅 全 高 清 DV HDC-SD10 就 改 走 超 輕 巧 路 線 ， 機 身 只 重 227g 比 動 輒 過 500g 嘅 DSLR 足 足 輕 一 半 ！ 再 加 埋 16 倍 光 學 變 焦 畀 你 影 足 成 條 街 扮 天 眼 ， 換 轉 DC 想 買 支 10 倍 變 焦 鏡 頭 隨 時 過 萬 啦 ， 所 以 話 拍 片 、 影 相 始 終 都 係 河 水 不 犯 井 水 。
杜 比 收 音 大 光 圈 影 靚 人
SD10 有 一 特 別 之 處 ， 就 係 利 用 AVCHD 制 式 拍 攝 高 清 片 ， 既 慳 記 憶 體 之 餘 ， 一 樣 拍 到 1080p 全 高 清 片 仲 有 埋 Dolby Digital Stereo 收 音 ， 唔 單 只 可 以 減 低 雜 音 ， 仲 能 夠 提 高 現 場 感 ， 用 佢 拍 攝 賽 車 同 放 煙 花 等 場 面 ， playback 時 勁 震 撼 ！ 除 此 之 外 ， SD10 嘅 16 倍 光 學 變 焦 鏡 頭 ， 可 以 zoom 足 成 條 街 之 餘 ， 光 圈 更 高 達 f/1.8 夠 晒 你 玩 淺 景 深 突 出 主 體 ， 影 靚 女 前 清 後 朦 勁 有 mood 。
彌 敦 道 試 變 焦
AVCHD 壓 得 更 細
AVCHD 係 由 Panasonic 同 Sony 一 齊 開 發 嘅 影 像 解 碼 技 術 。 其 標 準 基 於 H.264/MPEG-4 AVC 視 訊 編 碼 ， 支 援 480i 、 720p 、 1080p 等 格 式 ， 同 時 兼 容 杜 比 數 碼 5.1 聲 道 或 線 性 PCM 7.1 聲 道 音 頻 壓 縮 。 利 用 佢 編 碼 嘅 好 處 係 能 將 影 像 壓 縮 得 更 細 ， 令 你 嘅 記 憶 咭 有 更 多 空 間 。 唯 一 唔 方 便 係 AVCHD 格 式 影 片 要 另 外 裝 解 碼 器 先 播 到 ， 想 燒 落 DVD 機 睇 的 話 ， 就 要 自 己 轉 制 式 喇 ！
Sales 點 評
Dan ︰ 「 變 焦 力 強 ， 入 門 用 家 最 buy ！ 」
拎 DV 出 街 有 時 仲 方 便 過 拎 相 機 ， 因 為 用 全 高 清 拍 片 之 後 ， 返 屋 企 落 電 腦 再 裁 番 張 相 出 嚟 用 都 夠 大 ， 而 最 正 就 係 DV 嘅 變 焦 能 力 勁 過 DC 好 多 ， 所 以 我 拍 親 遠 嘢 都 係 用 DV 。 而 SD10 個 防 震 幾 穩 陣 ， zoom 盡 16 倍 都 唔 震 ， 幾 適 合 初 玩 DV 嘅 用 家 。
總 評 ︰ 去 旅 行 啱 使
暑 假 就 到 ， 去 旅 行 想 影 靚 相 同 拍 片 ， 最 頭 痕 就 係 唔 知 點 塞 晒 啲 鏡 頭 同 相 機 落 篋 ， 所 以 唔 想 煩 最 好 就 係 帶 DV 。 好 似 SD10 夠 細 部 ， 加 上 整 體 拍 攝 功 能 都 算 齊 全 ， 由 最 wide 嘅 靚 景 、 成 班 friend 團 體 片 ， 以 至 靚 人 、 靚 花 close up 都 可 以 應 付 ， 一 部 機 拍 晒 成 個 trip ， 最 適 合 去 旅 行 又 怕 爆 篋 嘅 朋 友 。
Spec.
變 焦 ︰ 16 倍 光 學
屏 幕 ︰ 2.7 吋 LCD （ 230,400 像 素 ）
解 像 度 ︰ 1,920 × 1,080p
記 憶 ︰ SD/SDHC
體 積 ︰ 48 × 63 × 115mm
重 量 ︰ 227g
售 價 ︰ $5,290
查 詢 ︰ 信 興 （ 2833 0955 ）
呢 部 號 稱 全 球 最 輕 嘅 全 高 清 AVCHD 制 式 DV ， 機 身 真 係 夠 晒 的 骰 ， 機 身 唔 單 只 細 過 一 包 檸 檬 茶 ， 重 量 更 只 得 227g ， 比 你 用 緊 嘅 手 機 都 係 重 少 少 ， 放 入 手 袋 、 背 囊 完 全 唔 覺 重 ！ 雖 然 SD10 機 身 細 ， 但 功 能 就 冇 偷 工 減 料 ， 配 備 Advanced O.I.S. 進 階 光 學 防 震 系 統 ， 就 算 機 身 咁 輕 都 唔 會 手 震 影 唔 清 ， 加 埋 「 iA 智 能 拍 」 自 動 選 擇 場 景 模 式 同 1.9 秒 特 快 開 機 拍 攝 ， 真 係 隨 手 拎 起 就 可 以 拍 低 珍 貴 畫 面 。
SD10 嘅 size 仲 細 過 包 檸 檬 茶 ， 差 啲 細 到 可 以 塞 落 褲 袋 ， DSLR 點 同 佢 比 ？
為 咗 偷 位 縮 小 機 身 ， SD10 掣 位 唔 多 ， 但 影 相 快 門 同 拍 片 掣 分 開 放 就 唔 係 太 就 手 ， 單 手 操 作 唔 夠 利 落 。
當 拉 到 最 wide 時 ， SD10 最 大 光 圈 達 f/1.8 ， 拍 攝 時 可 玩 更 多 景 深 效 果 ， 加 埋 導 向 性 唔 錯 嘅 Dolby Digital Stereo 收 音 咪 ， 新 手 都 易 handle 。
沒有留言:
張貼留言